呢位貌似悶悶不樂的小朋友，真係引發事件的「元兇」！

呢位個樣有少少憂鬱的小朋友叫做「華Dee」，個名好型。 早幾日華Dee哥寄居我家４日３夜，令矇矇的神經崩緊了４日３夜。

華Dee哥同矇矇都見過好多次面，亦同一齊去過如多地方，但兩位仁兄從來無friend過，每次見面都當對方透明，若然華Dee進入其領士，即我家，立即會發揮捍衛領土的本能，不斷「行」住華Dee，又會伺機將個頭放在華Dee的身上面，企圖以大欺小，以高壓矮（估唔到哥基都可以搵到矮過自己的狗）！

今次華Dee哥不但進入領土，更侵佔他的梳化，甚至入阿四即係我的房，簡直令矇矇發狂。華Dee哥亦唔執輸，將我家當作自由屋企，除偶爾躺在坐椅底，大部份時間都霸佔梳化。

最初一、兩日，兩位仁兄不停處於對峙、互兇（㗅㗅聲、低嗚，俗稱講粗口），有時看不順眼，又或矇生見到我摸華Dee，更加唔得了，醋意大發會，互相廝殺。

幸好兩位得把聲，互「片」都唔會出口用力咬，所以相安無事。但相對多天，兩位大哥依然互不瞅睬！

 （矇矇：我唔想同佢合照，我ｃ都唔會望鏡ｏ架啦！）

（華Dee：你估我又想同你影相咩！）

兩位大哥貌不合，神更離！直至華Dee離開，經指示後叫佢錫錫華Dee　ｓａｙ　ｇｏｏｄｂｙｅ，他才不情不願將個咀「撞」落對方塊面，叫做錫一錫！矇矇突然咁「順攤」，可能係知道眼中釘要走，以後可以獨佔間屋、食物以及一切一切，所以先肯咀華Dee！