唔係要做exit poll，亦無興趣做。

香港人，千祁唔好太善忘！

港島區的２３條阿太去完亞美利堅留學，浸完鹹水就變身”民主”中產？唔好嚇我！

千尺浪長年在九西，原本係ｄｉｅ　ｈａｒｄ民主派，而家話自己獨立。過去四年千尺派你有時間去陪仙姐打麻將飲茶，卻懶得回立法會開會。套用mad dog黃一句，真係面目模糊的”民主派”．．．．．．

 還有鼠王小姐，阿爺咁辛苦扶植你２年，由區選到立法會，何苦你咁不孝，唔肯認阿爺呢，你的對手二少，都不知幾羨慕阿爺咁落力幫你。

新東的蘭花，你一時做藥劑，一時又做金融，今次又得到阿爺看中，幫你做議員。看到你濃妝抹艷、嬌聲嗲氣的拉票，我才知道蘭花何其俗。

新西周師奶，你好彩，旅行大花筒無王管事件、華姐買貴保險，你都推得一乾二淨。旅行大花筒俾人鬧咁多年，你次次都話俾人屈，無呢啲事，你當時咁大聲反駁，係因為你包庇，抑或你太懶，從未監管下面的人，自有你自己知道。如果你係前者，你真係無恥，如果是後者，你又未免太無能，所以你都係收山把啦。